Gathering (已結業)

話說肥駿最近搬咗入元朗，上星期幫佢搬野之餘亦順道跟佢搵野食。最終佢就同我去了屋企附近嘅Gathering啦！Gathering主打西餐，菜式選擇唔少。而店內裝潢幾得意有趣，我估係希望客人可以愜意地享受食飯嘅時刻。同其他餐廳一樣，點完餐就上麵包。食個香軟嘅麵包，為主菜做好熱身💪🏻接著就係餐湯湯餐好大碗呀！不但上碟賣相吸引，更係味道濃郁！食客眼中好基本嘅餐湯，餐廳都用心準備，好impressive！一間餐廳嘅質素，其實亦可以係細節度反映出黎！輕煎北海道帶子墨魚汁意大利飯帶子都幾大塊，食落無半點冰鮮味！墨汁Risotto 好creamy，飯的軟硬度也掌握得恰當！牛腹肉牛扒配香草燒新薯值得留意的是餐廳真係做到medium rare，代表chef對火喉控制得好好！煮到medium rare可以令到肉質嫩滑，同時亦可以保留牛扒嘅肉汁。而且切件上碟亦好窩心，食得超方便Gathering確實可一可再呀！