峰壽司 (已結業)

峰有幾間分店, 但係每次都係最鐘意呢間, 幾個月前同寶貝睇完食評去試, 果真好好味!呢日我地又去左食, 已經係第3次啦~都食左十幾碟, 好飽好滿足咁離開一定要推薦的係峰鰻, 雖然貴小小但同普通ge海鰻無論賣相定味道都勝好多籌!然後係寶貝最鐘意的鮮蟹柳, 上面d沙律醬同條蟹柳好夾, 連平時唔食蟹柳的我都愛上左佢, 仲連續食左3碟tim!去3次, 2次都有叫火炙壽司, 睇住個師傅用火槍燒佢幾過癮, 賣相ok, 味道就普普通通啦. 三文魚刺身好新鮮, 而且切得厚, 寶貝食得好滋味~峰玉子就係個款特別咁解, 味道同一般玉子壽司冇咩分別, d飯仲少左tim炸蝦熱辣辣出爐, 但係好似炸得太耐咁, 有d焦, 而且好多油......蛤仔湯都幾好飲, 但試下好啦, 下次應該唔好再叫忌廉芭芙都叫左2碟, 味道唔錯, 但係外皮唔夠軟, 但勝在細細粒而入口自從食過一次之後, 而家間唔中都會去, 而且幾次都有番個水準, 抵讚~waiter都幾好服務, 坐上去之後仲幫你推埋椅~ 落單又唔使等好耐~不過就prefer中午或者夜晚早少少, 夜晚好多時都要企係條街度等位, 等足半粒鐘, 腳都軟埋