Pho Bar (已結業)

機緣下等朋友收工，落利源西街食野再過去IFC睇戲。佢帶我食佢lunch飯堂豬頸肉越南金邊粉 $88大碗，湯底有金不換、芫茜、芽菜、洋蔥同蔥，牛骨味濃郁；另外，可以按個人喜好加埋炸蒜～豬頸肉大大塊～都幾厚肉地。浸左湯都都唔會變稔，肉質依然結實有金不換既湯底好重味，金邊粉吸哂。叻沙米線$88有蝦、魷魚、豆卜、魚片同雞蛋常見都有，再加越南扎肉，好多配料，正呀！米線夠粗，口感豐富，且魚片十分彈牙。炸米網卷 $35，外皮好脆，裏面嘅料雖然唔算好多，但口感層次豐富！秘製雞翼$42～千島醬汁帶少少辣，而雞皮炸得香脆，配埋千島醬汁，好有風味。任何一款麵都可以加$12配杯野飲～奶茶咖啡檸檬茶。