NUTTEA (海光街) (已結業)

今日同朋友嚟到鰂魚涌Nuttea買野飲。我朋友叫咗杯四季春堅果奶蓋茶，我就叫咗杯期間限定嘅紫米堅果奶。四季春堅果奶蓋茶奶蓋份量十分多，食落口感好rich好濃厚，係我食過其中一款最好食既奶蓋！咁濃厚嘅奶蓋，下面最適合配嘅就係清香解膩既飲品，而四季春就非常適合做呢個角色。係食完奶蓋之後飲一啖四季春，完全將剛才嘅肥膩感除去！紫米堅果奶亦都好好飲，一入口就先有紫米嘅味道籠罩你嘅口腔，然後堅果奶淡淡嘅香味就開始散發出嚟。作為紫米愛好者嘅我，呢一杯紫米堅果奶完全俘虜咗我嘅心。