SHAKE SHACK (國際金融中心商場)

營業中

休息中

小編孤陋寡聞，冇乜聽過外國出名嘅漢堡包舖。Shake Shack 一開始話要進軍香港，好多人都好興奮，小編先知佢嘅來頭。一開始怕排太耐隊，所以冇即刻去試，到之後少啲人先去。宜家喺繁忙時間基本上都要排20-30分鐘隊，非繁忙時間試過唔洗排。同埋宜家有c-line，係一條買野飲同雪糕嘅express line。野食都出得快嘅。最鍾意係佢個包好軟，同時亦都有咬口。個底吸左啲漢堡扒嘅油，好香口 個肉多數都係全熟，有肉汁同鬆軟。番茄同菜多數都新鮮嘅，如果有多啲或者大塊啲嘅菜就好喇小編最想推介係呢個熱狗。不過小編身邊嘅朋友都覺得佢無乜特別 小編最鍾意呢個熱狗嘅配菜，有番茄，洋蔥碎，青瓜，墨西哥辣椒，酸瓜，加埋佢個酸芥末汁，非常刺激味蕾。條腸係類似雞肉腸咁嘅樣，唔係大大條嗰隻。不過食呢個熱狗會好狼狽，因為佢冇紙包住，會一路食一路跌哂啲涵出黎。炸菇burger都有唔少人鍾意，但小編就唔太鍾意，最主要係因為佢炸得好燶，同埋有時舊菇好細。Fifty-fifty係茶溝lemonade，好唔好飲要睇彩數，試過成杯得茶味Cheese fries 好味，個芝士醬唔會好溜同滯。