影片
更多
2025-02-05
218 瀏覽
星期日瞓到日上三竿，起身出門搵嘢食，行幾行見到有間幾特別嘅門面，即時上Openrice查。 原來係食墨西哥菜，而且評價都唔錯，又見裡面唔多人，所以就一致決定呢間。 以前曾經喺一啲Food Court 食過墨西哥Taco，覺得幾好味，今次可以再回味。 打開餐牌，全英文，雖然知係乜，但結合埋一齊就唔知點煮法，為免叫咗啲唔啱食嘅嘢，就招來職員問個明白。 由於我哋只熟悉Taco，對其他菜式毫無概念，所以不厭其煩問職員呢樣點煮嗰樣有咩配料，儘管我哋問題多多，職員依然耐心地一一解答，非常專業有禮。 飲品先到，Pica Pina Mocktail，一片燒過嘅波羅放在冰上，杯口邊沿沾上海鹽，飲下時有一股香料夾雜草青味，幾特別，不過唔係人人都接受到呢種味。 跟住就嚟Taco喇，一份係Fish & A1 Pastor （魚肉和豬肉），魚肉以辣椒蒜泥蛋黃醬作為醬汁，勁嫩滑好味；另一份係Steak & Lengua （牛肉和牛脷），牛脷好稔，淋上洋葱加芫茜製成嘅醬汁，令整份Taco味道更濃郁。 再嚟 Elotes Preparadas ，係白粟米加上芝士及蛋黃醬一齊燒，比普通燒粟米更多層次，好甜好味！ 當 N
原來係食墨西哥菜，而且評價都唔錯，又見裡面唔多人，所以就一致決定呢間。
以前曾經喺一啲Food Court 食過墨西哥Taco，覺得幾好味，今次可以再回味。
打開餐牌，全英文，雖然知係乜，但結合埋一齊就唔知點煮法，為免叫咗啲唔啱食嘅嘢，就招來職員問個明白。
由於我哋只熟悉Taco，對其他菜式毫無概念，所以不厭其煩問職員呢樣點煮嗰樣有咩配料，儘管我哋問題多多，職員依然耐心地一一解答，非常專業有禮。
飲品先到，Pica Pina Mocktail，一片燒過嘅波羅放在冰上，杯口邊沿沾上海鹽，飲下時有一股香料夾雜草青味，幾特別，不過唔係人人都接受到呢種味。
跟住就嚟Taco喇，一份係Fish & A1 Pastor （魚肉和豬肉），魚肉以辣椒蒜泥蛋黃醬作為醬汁，勁嫩滑好味；另一份係Steak & Lengua （牛肉和牛脷），牛脷好稔，淋上洋葱加芫茜製成嘅醬汁，令整份Taco味道更濃郁。
再嚟 Elotes Preparadas ，係白粟米加上芝士及蛋黃醬一齊燒，比普通燒粟米更多層次，好甜好味！
當 Nachos Beef 上桌時，真係嚇一跳，粟米片牛肉粒辣椒粒蕃茄粒鋪滿成碟，再加上牛油果醬喺面，仿如一座小山丘。 雖然係細份，雖然好好味，但真係好大堆頭，兩個人未必食得晒。
Daily Desert 係 Pan De Elote，質地鬆軟易入口嘅粟米蛋糕，好香粟米味，伴以士多啤梨及忌廉，口感香甜軟滑，早知就留肚食多件啦。
張貼
