影片
更多
2018-03-10
591 瀏覽
作為烤魚的忠實粉絲，一直都想係屋企附近搵到一間平靚正既烤魚，希望想食既時候可以即刻就食到。而今日正正就係突然想食既一日，所以就即刻用openrice睇下會屯門元朗區會唔會有啦。但搜尋「烤魚」出尼既選擇並唔多，跟住我就膽粗粗搜尋「雞煲」，希望碰下運氣咁啦。點知真係俾我搵到呢間店名明顯係賣餃子既小店有雞煲烤魚食喎！咁就即管尼試下啦。晚上9點尼到店外既時候，我的確有啲卻步，因為發現店內只有一位客人食梗野，我同媽媽都有啲猶豫食唔食好，但我地最終都抱住一場尼到既心態入內試下。坐低叫左「特色麻辣烤魽魚」同一份煎冬菇粟米餃子，之後就再慢慢劃左$88既肥牛，$38既即炸響鈴，$25既生菜，$25既魚皮同埋2杯自家製菊花茶，2罐可樂。第一樣上枱既係「煎冬菇粟米餃子」，睇落去似炸餃子，唔係煎餃，但勝左唔油膩餡靚脆卜卜，係唔錯既前菜小食。第二樣上枱既係烤魚，上枱既時候已經十分期待，除左賣相吸引之外，仲係因為係我地等候上菜既期間，店內6張枱已經有4張坐左人，而且全部都是回頭客，點解我會知？因為佢地入到尼佢地有人問餐廳既侍應小姐「咦，啲位有冇人訂左嫁，我上個星期過尼full晒嫁喎。」又或者佢地未坐低，侍應小姐就
晚上9點尼到店外既時候，我的確有啲卻步，因為發現店內只有一位客人食梗野，我同媽媽都有啲猶豫食唔食好，但我地最終都抱住一場尼到既心態入內試下。
坐低叫左「特色麻辣烤魽魚」同一份煎冬菇粟米餃子，之後就再慢慢劃左$88既肥牛，$38既即炸響鈴，$25既生菜，$25既魚皮同埋2杯自家製菊花茶，2罐可樂。
第一樣上枱既係「煎冬菇粟米餃子」，睇落去似炸餃子，唔係煎餃，但勝左唔油膩餡靚脆卜卜，係唔錯既前菜小食。
第二樣上枱既係烤魚，上枱既時候已經十分期待，除左賣相吸引之外，仲係因為係我地等候上菜既期間，店內6張枱已經有4張坐左人，而且全部都是回頭客，點解我會知？因為佢地入到尼佢地有人問餐廳既侍應小姐「咦，啲位有冇人訂左嫁，我上個星期過尼full晒嫁喎。」又或者佢地未坐低，侍應小姐就已經知道佢地雞煲要咩辣，甚至係有人打電話尼留魚介紹朋友尼食。呢種種小事，都令我對烤魚既期待感上升。😋😋
而當魚尼到之後亦當然冇失望啦，唯一唔開心既係自己怕辣，嗌左bb辣之後成餐都覺得唔夠辣，但都只係自己問題，冇得怨。🙁 魽魚骨小肉厚，旁邊配菜有蘿白，雲耳仔，大豆芽，海帶，莞茜，紫洋蔥，超寬薯粉，豆卜，金菇百頁（類似啦，唔肯定係咪）。全部配料都同烤魚既湯底好夾好吸味。屋企人食到條魚得返鵬骨既時候都仲撩梗鍋底既洋蔥，豆芽出尼食呀！仲話紫洋蔥係有陣出奇既甜味，好食呀！
用烤魚湯底打邊爐既我地對配料既質素都好滿意，肥牛雖瘦但一d都唔韌，即炸響鈴各花入各眼啦，我就覺得有啲油，但屋企人話新鮮好食熱辣辣夠脆，就算$38有8舊都唔係求其俾啲街邊買個啲林晒既響鈴，魚皮就不過不失，都係來貨既質素，但勝在大碟，而生菜就令我媽媽好滿意，因為佢對菜既清潔程度好重視既，佢話呢度既菜係乾淨到佢唔洗執走任何一條要dum既，每條都乾乾淨淨。👍🏻👍🏻
而自家製菊花茶就係好似台式飲品咁啤好晒一杯杯既，味道幾好，唔太甜有菊花香👍🏻
PS寫食評係臨時起意，想表達對小店既支持，所以相片都係隨意影落既，角度唔太靚仔，見諒🙏🏻
侍應姐姐服務好好，見佢同其他客人既喜好都頗熟悉咁，幾有心機做，欣賞👍🏻
冬菇粟米煎餃
51 瀏覽
0 讚好
0 留言
特色麻辣烤魽魚
$188
39 瀏覽
0 讚好
0 留言
張貼
