香港老飯店

營業中

休息中

今次係平日晚市幫襯，估唔到都座無虛席，睇黎無揀錯。核桃燻蛋蛋黃帶點流心，蛋白外層煙熏味好香，合桃被蜜糖包裹着，好美味，必試項目。擔擔麵好細心，落單嘅時候已經問我地使唔使分開兩碗上，味道方面，個肉醬夠濃，唔錯！韭黃炒鱔糊呢一款上海菜，喺唔同鋪頭炒出嚟有唔同嘅風格，黎到呢度點可以錯過。黃膳肉真係唔少，幾抵食，亦都好新鮮。火腿津白個汁做得好好，帶點奶油味，而津白就好清甜，連埋金華火腿一齊食，配搭得宜樟茶大鴨（半隻）個皮好脆，鴨肉冇騷味，旁邊嘅麵包令到食落冇咁膩。炸銀絲卷發覺近來唔係每間上海店都有得點呢個菜式，雖然好普通嘅一個菜式，但真係好好食，外層脆卜卜，麵包帶點甜味