豚道樂 (大河道) (已結業)

今日去荃灣食lunch，天氣凍凍地特別想食啲熱嘢暖下個胃，又要快食咁食碗拉麵就剛剛好，所有就搵咗呢間試下間舖地方細細，但都坐咗一半以上，好彩仲有吧枱坐到人，唔係就要排隊啦。一坐低唔好講咁多即刻拎落單紙填要邊款拉麵先！佢餐單上都有7款唔同湯底你揀，我膽粗粗就揀咗個芥末湯底加$13轉特上豐富啲。中間等咗5分鐘度，碗麵就上枱啦。淡綠色的芥末湯底，傳出陣陣香噴噴嘅芥末味，加上豐富嘅配料，真係令人食指大動。試飲一啖湯，食得到芥末但唔會好嗆，微辣，好濃郁。麵嘅軟硬度適中，食落爽口，不過唔好大力索啲麵，唔係會比芥末攻親😂最後，兩塊叉燒一肥一瘦，食落好香好有肉味，比我可以食多兩塊😃另外，如果你揀辛辣味噌拉麵仲有嘢飲送添，早知我揀食呢個啦。