又一間餐室 (已結業)

今晚八點幾我同我女朋友經過美孚曼克頓見到呢間餐廳環境好似幾好，望入見到都好似幾多幫襯，所以就同我女朋友入去試下，坐低環境ok，原來仲有西餐同日本餐選擇，日本餐比較有氣氛同乾淨，啲侍應都幾靚女，哈哈哈…所以就就同女朋友行入去日本餐果邊，坐位超大都幾舒服，之後我地問個侍應有咩好介紹，出奇地個侍應好有耐性咁問我地有冇對咩食物敏感或者吾食得，勁細心，最後我點左個招牌豬扒意粉同一個壽司便當，上餐時間都算快，吾洗等好耐，眼見師傅即場整好個便當，侍應就即刻攞過黎，勁快，good！其實當時已經有六-七枱客，得一個侍應，旦係見佢做野都好快，亦都好有禮貌，至少吾會好似其他餐廳咁，叫極都吾應人！另外個焗意粉都吾錯，好香，豬扒好入味，意粉夠彈牙，壽司便當都oK，侍應上餐果陣仲會幫我地開埋蓋，都幾有服務水準，埋單都吾洗2百蚊，抵！之後我女朋友睇到餐牌夜晚有中式小菜套餐，仲好似有甜品送添，咁嘅價錢，咁嘅服務，下次一定會再落黎，試下其他野食！