大滿喜日本料理 (已結業)

朋友聽講「大滿喜」嘅放題唔錯，所以趁著佢生日特意同佢一試，不過打去訂位時已經Full Booking，好彩最後成功Book到，咁就事不宜遲相約慶祝。因為經已Book咗位嘅關係，所以一到步跟著職員安排都唔使等好耐就有得入座，店鋪算係幾大，雖然坐得都密密地，不過唔會太逼坐得唔舒服。一坐低當然係點野食先，雖然食物都離唔開和食、刺身、壽司，不過款式比一般坊間放題鋪頭為多，一啲比較少見嘅款都有。刺身款式算多，而且都夠新鮮，而且比紙時寫咗少少要求例如三文魚想要腩位之類，真係有架！讚！ 壽司款式都好多，而且款式幾新，鮮度亦算唔錯，用料亦唔係馬虎，而且尺寸唔大係重點，細細件就算係女仔都可以一啖食哂，可以比人試到更多款式！讚！熟食方面同樣出色，燒物水準唔錯，不會係dry爆，最有驚喜係「蟹粥」，意外地好食and天婦羅番薯仔，食之前要人心理準備！因為會停唔倒口呀！呀！ 記住食完燉旦(甜食),先好食雪榚呀！！！整體嚟講，價錢較合理，但食物水準好高，而且侍應服務態度超級好，會收Order紙、同你傾下計問有咩好味、唔好味、邊到可以改進等等，絕對係值得一試