我是酸奶君 (已結業)

我本身係鍾意飲酸奶同埋食糯米製品， 我是酸奶君嘅吃米酸奶就符合曬我嘅口味！朋友帶我去，推薦我飲特濃酸奶， 真係好好飲！ 佢哋preset嘅甜度同冰量都啱啱好。 吃米特濃酸奶面頭會多一層奶蓋，同埋oreo，增加左口感同層次！不過品質監控未做到最好：第一次飲嗰日等候人數比較少，飲品嘅糯米比較多，但比較黐埋一舊舊。第二次飲嗰日係放工時間，人比較多， 飲品嘅糯米就少咗一半，但比較粒粉分明。如果糯米可以平均返就好啦！最後收銀方面， 我排隊嘅時候見到前面客人嘅比錢狀況；職員第一次找錢找少咗，之後又再找多左成十蚊，做野好唔細心…