Brilliant Cooking (已結業)

近來葵芳區嘅食肆選擇多咗， 除咗新都會、葵涌廣場之外、仲有新落成嘅葵芳滙都多好多嘢食， 今日就試咗葵芳嘅Brilliant Cooking， 喺葵涌廣場天橋過去只係兩三分鐘路程，非常方便。 餐廳裝修同環境都幾好，見到好多有心思嘅地方，卡位坐得舒服，試咗佢哋嘅二人餐先 意大利牛肝菌忌廉湯賣相好靚，牛肝菌香味撲鼻而且都好濃稠，好好味。 一口雜錦拼盤上碟好靚， 侍應仲會加水喺乾冰，出煙感覺都幾夢幻。 拼盤總共有四款口味， 第一件係巴馬火腿忌廉芝士西多士，鹹香十足，呢個配搭我返屋企都想試下整；第二件嘅挪威三文魚芒果球，口感清新； 第三件嘅大蝦青木瓜米之卷， 個皮做得好薄，配合爽脆嘅餡料，前菜首選； 最後一件係香煎帶子刺身配蟹子， 帶子好大隻，厚度有2.5cm以上，好爽。 阿拉斯加蟹肉，BB帶子＆ 蟹籽配鮮蟹膏忌廉汁意大利飯個意大利飯煮得好好， 有口感之餘仲好夠熱， 個蟹膏忌廉汁好特別， 配意大利飯好襯 ， 蟹肉同帶子份量十足， 感覺好滿足。 炭燒美國頂級牛肩板腱肉 100z 配雜菜沙律＆香濃牛肉汁一上碟嗰陣炭香味真係好勁， 個牛肉五成熟煮得好好加埋炭香味，我覺得滿分👍 另外佢個牛肉汁都好好味，