鳳城酒家 (已結業)

　　1. 蝦多士 - 蝦肉打得好有彈性，底層多士炸到好香，賣相又靚，推介之一！　　2. 乳豬生腸拼盤 - 乳豬皮幾脆幾香口，生腸好爽口，不過唔多夠味。　　3. 肉鬆生菜包 - ｄ生菜超級新鮮爽口！加埋ｄ肉鬆真係絕配！好多年都冇食過咁好味既生菜包！　　4. 八寶鴨(已預訂) - 雖然係經典菜，但ｄ鴨肉已經炆到好腍，冇咩鴨肉既質感。鴨內ｄ配料似係食緊鹹肉粽咁，唔太欣賞。　　5. 焗蓮蓉西米布甸(已預訂) - 非常香，味道唔算太甜，加上有蓮蓉令個布甸有少許煙韌性，冇諗過中式布甸竟然可以做到咁好味！　　另外仲有三款小菜：黑椒焗牛柳，炒鱔球，上湯豆苗，不過冇咩特別，唔特別評論。　　總結呢度都值得去，不過要俾ｄ耐性book位後再等位，上菜都幾快手，值得一讚！