影片
更多
2014-08-08
6766 瀏覽
最近銅鑼灣又開左好多新餐廳啦！不過每次想去食都要等位等位等位。。。。今日去到哩間好似好神秘既日本餐廳就問問啦，雖然都係要等。。。但只要留低名，之後準時係8:30黎攞位就可以啦！反正都諗住行陣街，就決定要試試佢啦！到左8:30黎攞位，果然即刻有得入去！Good！入到去就好喜歡個環境啦，餐廳細細，有bar 枱同小小既維境睇下，可以望住師傅整野食，又擺左好多日本特色既公仔同擺設，好有日本情懷呀 打開餐牌，雖然唔算有好多選擇，不過都可以揾到幾款心頭好。。。好快就決定到要食咩啦！哩款海膽汁燒蠔真係好好味，炸蠔脆身得黎好鮮甜，再加上海膽汁真係好夾！不過兩個人每人兩件，食完都覺得飽飽地啦！好彩有落到哩款海鮮沙律，酸酸地好開胃，而且上面既魚生食得出好生鮮！不過，另外叫左個炸蝦柚子烏冬同明太子玉子就令我有少少失望啦。。。柚子烏冬係凍食既，本身好岩8月份咁熱既日子食，但係柚子味唔突出，而且本人會較喜歡配鮮蝦食，哈哈！ 而明太子玉子係因為友人大愛先叫，本人本身就冇特別喜好。。而且食落覺得唔夠熱，蛋味好淡，唔覺有煎過既感覺。。。4款食物，兩個人用左唔夠1個鐘已經KO 哂啦，不過就用多半個鐘係到坐下傾下計，感
今日去到哩間好似好神秘既日本餐廳就問問啦，雖然都係要等。。。但只要留低名，之後準時係8:30黎攞位就可以啦！反正都諗住行陣街，就決定要試試佢啦！
到左8:30黎攞位，果然即刻有得入去！Good！入到去就好喜歡個環境啦，餐廳細細，有bar 枱同小小既維境睇下，可以望住師傅整野食，又擺左好多日本特色既公仔同擺設，好有日本情懷呀
打開餐牌，雖然唔算有好多選擇，不過都可以揾到幾款心頭好。。。好快就決定到要食咩啦！
哩款海膽汁燒蠔真係好好味，炸蠔脆身得黎好鮮甜，再加上海膽汁真係好夾！不過兩個人每人兩件，食完都覺得飽飽地啦！
好彩有落到哩款海鮮沙律，酸酸地好開胃，而且上面既魚生食得出好生鮮！不過，另外叫左個炸蝦柚子烏冬同明太子玉子就令我有少少失望啦。。。柚子烏冬係凍食既，本身好岩8月份咁熱既日子食，但係柚子味唔突出，而且本人會較喜歡配鮮蝦食，哈哈！ 而明太子玉子係因為友人大愛先叫，本人本身就冇特別喜好。。而且食落覺得唔夠熱，蛋味好淡，唔覺有煎過既感覺。。。
4款食物，兩個人用左唔夠1個鐘已經KO 哂啦，不過就用多半個鐘係到坐下傾下計，感覺好舒服，絕對要再黎食下呀！
張貼
