川粵米線大王 (已結業)

近排有左米線引，不過個人就麻麻譚仔個啲，反而係鐘意食啲小店，感覺製作更用心，味道更特別。近排只有工作和工作嘅日程，食嘢都局住係紅磡區。不過好彩紅磡多嘢食！今日食嘅係川越！！係以前都好鐘意食嘅食店。一黎佢就腳，二黎佢味道真係幾有風味架！依到嘅招牌係口水雞米線，係好食嘅！不過以前實有食得太多啦。所以就冇叫到，胃口麻麻就叫左袐製肉丸加酸豆角。諗住開胃啲！！佢嘅肉丸味道都幾特別，加左特別嘅香料，而且肉質好實，細細粒得黎幾有料！酸豆角都係酸豆角，都係我鐘意嘅嘢黎嘅！所以都係好評架！佢所有嘅麵底都幾乎食過咁濟。要講再好食都係米線，依到嘅米線較粗，而且有米香，一啲都唔似食膠😂😂😂。其實間唔中食下都真係幾唔錯嘅選擇！