影片
更多
2023-05-12
77 瀏覽
Fri 5th May 天陰Le French May 呀，今個月多啲食鬼佬嘢先。法國西餐多舊魚。呢間嘢屹立喺荃灣都一段日子，附近同佢一爭長短嘅就只有 莎樂美。論環境呢度好好多，而家乾淨企理播啲音樂悠揚樂韻又啱聽，門面玻璃較大，採光自然明亮。佢有$15隻生蠔（疫情前都見到有啲$10隻，不過今時唔同往日啦，乜嘢都貴晒），其實都算抵食㗎。自己買返屋企開都要呢個價錢。不過今日心情喺食肉嘅。麵撈忌廉湯，texture 係OK 㗎，不過係冇乜味囉。反而更湯唯嘅蒜蓉包就幾好囉。澳洲肉眼。叫咗5成熟，佢哋真係做到喎。舊扒嘅質素，同餐廳嘅格調價錢係匹配嘅。選擇咗跟意粉，唔錯 火候適中 少少彈牙 掛汁。另外三文魚扒牛脷，呢個組合就應該係呢啲餐廳先至有。呢個就麻麻哋啦。唔多講。地道港式絲襪奶茶 ok的。咖啡亦都唔好講啦。我覺得佢哋食材受制於成本，同埋價錢。平價嘅配菜類做得算係唔錯。我諗佢哋都盡咗力架啦。
Le French May 呀，今個月多啲食鬼佬嘢先。法國西餐多舊魚。
呢間嘢屹立喺荃灣都一段日子，附近同佢一爭長短嘅就只有 莎樂美。論環境呢度好好多，而家乾淨企理播啲音樂悠揚樂韻又啱聽，門面玻璃較大，採光自然明亮。
佢有$15隻生蠔（疫情前都見到有啲$10隻，不過今時唔同往日啦，乜嘢都貴晒），其實都算抵食㗎。自己買返屋企開都要呢個價錢。不過今日心情喺食肉嘅。
麵撈忌廉湯，texture 係OK 㗎，不過係冇乜味囉。反而更湯唯嘅蒜蓉包就幾好囉。
澳洲肉眼。叫咗5成熟，佢哋真係做到喎。舊扒嘅質素，同餐廳嘅格調價錢係匹配嘅。選擇咗跟意粉，唔錯 火候適中 少少彈牙 掛汁。
另外三文魚扒牛脷，呢個組合就應該係呢啲餐廳先至有。呢個就麻麻哋啦。唔多講。
地道港式絲襪奶茶 ok的。咖啡亦都唔好講啦。
我覺得佢哋食材受制於成本，同埋價錢。平價嘅配菜類做得算係唔錯。我諗佢哋都盡咗力架啦。
張貼
