影片
更多
2020-09-21
79 瀏覽
春嬌，一聽到呢個名即刻諗起電影。不過今日講嘅唔係電影，而係銅鑼灣一間越南餐廳。入面佈置充滿異國風情，牆身掛上顏色繽紛嘅草帽，仲有竹藤燈飾，令人恍如置身越南！不過下單服務就非常先進，用手機自助下單，既環保又衛生。我點咗香茅豬扒撈檬($55)，午市送熱茉莉綠茶或龍眼水。撈檬份量十足，香茅豬扒足足有兩大塊，完全蓋滿成個碗！豬扒肉質軟腍鬆化，食落保留肉汁，底下嘅撈檬一樣好多，除咗有常見嘅花生碎，仲有青瓜絲及甜甜嘅紫薯，加上越式酸辣汁，酸酸甜甜，非常開胃！$55真係好抵食！開頭冇諗過香茅豬扒撈檬會咁大碗，仲好貪心咁點咗春嬌豬肉粉包！我一向鍾意食越南粉包，呢度嘅成品不錯，粉包好薄，包住豐富嘅餡料，啖啖肉，好滿足！龍眼水可以選擇甜度，我揀咗少甜，值得一讚嘅係甜度真係有大大降低，適合追求少糖嘅健康人士。整體食物水準唔錯，性價比高，下次嚟銅鑼灣都可以再試下其他菜式！
不過下單服務就非常先進，用手機自助下單，既環保又衛生。
我點咗香茅豬扒撈檬($55)，午市送熱茉莉綠茶或龍眼水。
撈檬份量十足，香茅豬扒足足有兩大塊，完全蓋滿成個碗！豬扒肉質軟腍鬆化，食落保留肉汁，底下嘅撈檬一樣好多，除咗有常見嘅花生碎，仲有青瓜絲及甜甜嘅紫薯，加上越式酸辣汁，酸酸甜甜，非常開胃！$55真係好抵食！
開頭冇諗過香茅豬扒撈檬會咁大碗，仲好貪心咁點咗春嬌豬肉粉包！我一向鍾意食越南粉包，呢度嘅成品不錯，粉包好薄，包住豐富嘅餡料，啖啖肉，好滿足！
龍眼水可以選擇甜度，我揀咗少甜，值得一讚嘅係甜度真係有大大降低，適合追求少糖嘅健康人士。
整體食物水準唔錯，性價比高，下次嚟銅鑼灣都可以再試下其他菜式！
張貼
