影片
更多
2019-02-26
242 瀏覽
喺尖沙咀K11附近發現左一間小菜館，地點方便又唔加一。 【炸鯪魚球】炸到外皮鬆脆内裡彈牙，蜆介醬夠濃味。【炸雲吞】脆卜卜外皮包住大粒蝦仁，炸得夠乾身，蘸酸甜醬又另一番風味。【西湖牛肉羹】味道適中，滿滿牛肉碎同香滑蛋白，個人覺得西湖牛肉羹精粹係芫茜，我自己好鍾意食，同店員講想加多啲，佢俾咗成碗我哋自己落，正～【黑松露蝦仁炒蛋】炒出嚟仲冒緊煙，蛋炒得香滑，蛋香味濃郁；蝦仁大隻又爽彈，黑松露味係有不過唔夠突出。 呢味餸爭少少咸味，再加少少鹽就仲正~~【椒鹽鮮魷】熱辣辣大大塊鮮魷魚，同紅椒、炸蒜一齊炒。魷魚好彈牙，不過老豆嫌椒鹽味唔夠。【聚香雞】叫左個例牌，竟然有雞脾咁「筍」。 雞肉好鮮嫩，肥瘦適中又多汁，必叫之選。 配有薑蓉、沙薑醬、秘製口水醬，三種都好食。 自家製秘製口水醬就最惹味，係香辣又唔會太辣。 啱食仲要可以買返屋企慢慢嘆。【錦江海鮮豆腐煲】上枱時啲芡汁仲係滾緊，香噴噴。有豆腐、鮮魷、蝦仁、菇，可惜無魚，有就完美啦。熱辣辣特別香口好味，砂鍋保溫能力好好，食完餐飯個煲仲有煙出！平日有套餐跟，假日就叫小菜有例湯送。整體嚟講，價錢合理，嘢食夠熱夠份量，值得回頭！
【炸鯪魚球】炸到外皮鬆脆内裡彈牙，蜆介醬夠濃味。
【炸雲吞】脆卜卜外皮包住大粒蝦仁，炸得夠乾身，蘸酸甜醬又另一番風味。
【西湖牛肉羹】味道適中，滿滿牛肉碎同香滑蛋白，個人覺得西湖牛肉羹精粹係芫茜，我自己好鍾意食，同店員講想加多啲，佢俾咗成碗我哋自己落，正～
【黑松露蝦仁炒蛋】炒出嚟仲冒緊煙，蛋炒得香滑，蛋香味濃郁；蝦仁大隻又爽彈，黑松露味係有不過唔夠突出。 呢味餸爭少少咸味，再加少少鹽就仲正~~
【椒鹽鮮魷】熱辣辣大大塊鮮魷魚，同紅椒、炸蒜一齊炒。魷魚好彈牙，不過老豆嫌椒鹽味唔夠。
【聚香雞】叫左個例牌，竟然有雞脾咁「筍」。 雞肉好鮮嫩，肥瘦適中又多汁，必叫之選。
配有薑蓉、沙薑醬、秘製口水醬，三種都好食。
自家製秘製口水醬就最惹味，係香辣又唔會太辣。 啱食仲要可以買返屋企慢慢嘆。
【錦江海鮮豆腐煲】上枱時啲芡汁仲係滾緊，香噴噴。有豆腐、鮮魷、蝦仁、菇，可惜無魚，有就完美啦。熱辣辣特別香口好味，砂鍋保溫能力好好，食完餐飯個煲仲有煙出！
平日有套餐跟，假日就叫小菜有例湯送。
整體嚟講，價錢合理，嘢食夠熱夠份量，值得回頭！
張貼
