祥囍煲仔小廚

營業中

休息中

少有黎到港島東既地方閒逛，見天氣涼涼地想食個煲仔飯，就去左之前有人介紹既祥囍。祥囍係位於筲箕灣既窄巷之中，當晚去到已經坐到出門口，不過我地都好快入座。因為我地得兩個人所以只係叫左個排骨滑雞煲仔飯同椒鹽鮮魷。煲仔飯最重要既係飯焦，祥囍成功做到了，飯既份量足夠兩個人食，味道亦都非常好。另外我地叫左個小菜椒鹽鮮魷，佢地做到個炸皮唔會好厚，而入面D肉亦都好大舊，唔會好似其他餐廳得條魷魚鬚，而已佢配埋炸蒜，食落特別惹味。期待下次可以叫多D人黎試下佢其他小菜、炒蜆炒蟹同雞煲。