老鍋台式火鍋 (京都廣場) (已結業)

天氣凍凍地，同老公係銅鑼灣竟然發現一間好食的火鍋店。店內設計以中式為主，有些大紅燈籠高高掛，座位闊落，唔洗坐到逼逼夾，絕對適合三五知己飯局。火鍋湯底選擇都幾多，秘製麻辣鍋、尚膳養生鍋、膠原蛋白美人鍋、花膠椰青三黃雞鍋……，而我哋就㨂左香濃美顏蜜瓜響螺花膠鍋。香濃美顏蜜瓜響螺花膠鍋 - 個湯底味道濃厚，十分滋潤，差啲想成個湯底飲哂。豚牛雙拼 - 黑毛豬梅肉 + 安格斯牛小排，黑毛豬肉質鮮嫩，十分可口！牛小排的肉汁豐富，浸完響螺花膠湯底也絲毫無損牛肉的質素，忍不住食完一塊又一塊。綜合手工丸拼盤 - 拼盤最抵叫，有墨魚丸、流心咸蛋黃豬肉丸、蝦丸、梅菜豬肉丸同芝士牛肉丸，每款都好食。千紙牛柏葉 & 魚皮餃 - 牛柏葉好爽口，魚皮餃皮薄，內裡的餡料味道很不錯。手拍小青瓜 - 除了火鍋外，還有數款小食可以選擇，我哋就order左小青瓜。