龍閣

營業中

休息中

早排為食同事向我推介位於紅磡黃埔一間叫龍閣的火鍋店，話食過唔錯，所以今次好友聚會決定選這兒了，一星期前已Book位，一行四人到達後立即安排入座，店員亦很有貌，現場環境唔錯，並安排我們坐卡位，好快侍應將調味料拼盤送到枱上，其中一款獨門蝦米醬值得推介好香好正(出面火鍋店較小有這個款式)，講返食物先我地叫左個雙拼鍋底(麻辣配沙爹)、魚標、招牌手切肥牛、黑豚肉片、午餐肉、炸響鈴、墨魚滑、水餃雙拼、脆鯇片、七色爆籃(蔬菜拼盤)等，整體食物好有水準，特別推介手切肥牛，啲肥牛真係好鮮甜好有肉味肥瘦適中(而且仲做緊半價優惠，八點半後仲2折tim)👍🏻👍🏻😋，而我自己唔係太好魚所以冇試脆鯇片，而我老公同朋友都讚脆鯇片好食好爽脆，而個響鈴仲要係即炸tim好好食(必試)，這餐真係一餐非常滿足的打邊爐👏🏻👏🏻整體食物，環境，店員服務都好好(時常來加茶加湯)，這間龍閣絕對有下次同值得向大家推介😋😋