華香雞 (已結業)

今日同朋友行過灣仔，見到有一間比較本土嘅餐廳， 於是好奇就走入去試吓～因為想一次過試晒出名嘅華香雞同埋茶香雞，所以毫不猶豫咁樣揀咗一人豪華套餐，價錢唔使$100就已經可以食晒兩種雞，有飯有湯仲有一大碗菜，仲有雞腎😱😱 我個人就比較鍾意烏龍茶香雞，因為個味道比較濃郁，有啲煙燻味嘅感覺～華香雞滑，但比較岩鍾意食清淡啲朋友正當我哋覺得好抵食嘅時候，第二個餐在上咗菜，我哋叫咗沙茶牛腩煲，一上到嚟又係勁大碟，而且仲要係啱啱整好啲汁仲係會起泡泡，好似食鐵板餐咁樣！買個餸都知牛腩本身材料都唔平，但佢又係包埋飯同湯都係$60唔使😱😱 真係抵到癲，而且味道都相當不錯，牛腩好軟林入味。呢度個裝修都好老香港嘅感覺，所以我覺得好啱遊客過去食，可以感受吓香港嘅地道美食～