尚湯 (已結業)

擺老烏以為今晚去撼，好彩早兩日睇睇先至冇撲個空。結果今晚都係出去食返餐，九點半鐘行落去，二人吃了日式厚切叉燒拉麵及蕃茄濃湯牛腩拉麵。拉麵相當彈牙，即食最好，並不是間間食店都有這個水準，另外牛腩入口即化，有油香。雖然小小兩件，但重質不重量。餐前亦有小食中華沙律，加杯凍飲，二人落樓六十元左右，頗抵食。事頭婆亦相當好傾，聊到蕃茄濃湯的烹調，與及這裡的客源。還推介我下次來吃鐵板西冷，熱選也。絕對可以翻兜的一間食店。