夜。鐵板燒

忙咗幾日終於有時間約朋友出去食飯，食返啲好嘢平衡下心理😆又係我最愛嘅日本嘢，地理位置方便刺身🔆刺身有蝦有帶子有拖羅，蝦都幾大隻，蝦肉又鮮甜，帶子都大隻，一樣係咁鮮甜，拖羅係最好味😋肉質好滑直頭好似係日本食緊🥰日本甘鯛🔆魚皮燒到脆卜卜，甘鯛既魚肉好清甜啲肉好結實，再配埋個高湯同啲魚一齊食真係鮮上加鮮，飲埋啲湯真係好滿足😍櫻花蝦和牛炒飯🔆炒飯中既主角係和牛，炒飯既料都幾多，除咗和牛仲有櫻花蝦同蛋絲，加埋一齊炒真係好香🥳生蠔🔆生蠔好肥美仲帶有海水既味道，質感好滑，好食到不得了😂