老點點心竹筒飯 (已結業)

琴日好倉猝咁決定夜晚個餐……大約7:00幾到4個人到咗老點，等得唔係話好耐，等既時候會比定點心紙你睇住食乜先，其實食物唔係會好似茶樓咁有咁多選擇我對呢間野既第一 印象係“點解咁細既…”通常多人食既即代表好賺得，間舖自然應該大咁，冇諗過細到咁~不過大細都唔太重要啦～有啲餐廳大大間一樣咁難食，重點響食物到。我覺得啲老闆們好好人，每個人都帶有笑容又有禮貌，一坐低就已經有茶等緊你，佢地會好勤力咁自動加茶，有空碟又快收，可能呢樣係細舖先做到既野，太大間舖就難顧及了。琴日4個人叫既野食唔多，4個人都只係食咗200幾蚊，都幾易飽下🙈其實仲叫咗個芝心炸蝦球，但一上菜就食咗冇影到，真係極好味！唔叫唔得，勁推介！有三粒一碟的，炸得好好味，一咬開就見到濃濃既芝士等緊你，一食落口勁滿足，口感好好。