影片
更多
2024-08-09
4360 瀏覽
🍜人氣拉麵店排隊一小時！港日夫婦主理 人氣拉麵小店排隊攻略 鯖節豬骨白湯拉麵🍜之前呢間小店開業時已經有留意到，可惜拖延症嘅我遲遲都未去，到了而家已經成為超人氣熱門拉麵店之一，好多人去到以前有人龍就照排隊，無留意到店家嘅運作，所以變咗白等，想食就要留意以下攻略🍜店舖會由6:00 開始派籌，睇報道每日限量提供200 碗賣曬就無，如果唔想等要6:00 前達陣就可以第一批進店，其他入唔到嘅需要入店按人數攞籌號先可以排隊，如果單人嘅話會快少少，大約30 分鐘就可以就坐，今日6:10 到達前已有大約十個人攞咗籌號，喺出面大熱天時等咗一小時就可以進店，籌號每日大約6:30-7:00 就會派完，記得唔好人排你又排，已經眼見有好多人就咁排，無攞籌就無得食，時間又浪費咗，嘈都無用🍜 鯖節豬骨白湯拉麵 $107鯖魚係主角，擺盤感覺好靚，味道帶有烤魚的香氣帶酸味，湯底豬骨飲落順滑感覺，豚骨魚介香味平均，唔會太濃無痴立立嘅感覺，麵條用了細麵幾有爽彈感，其他仲有拉麵荀，海帶，大蔥絲，拉麵蛋軟滑口感，湯底覺得幾啱香港人口味，會係想飲曬佢嘅唔會太溜🍜甘海老拉麵 $98半碗都係超靚紅色嘅櫻花蝦，湯底本身已經有蝦味，幾重
🍜之前呢間小店開業時已經有留意到，可惜拖延症嘅我遲遲都未去，到了而家已經成為超人氣熱門拉麵店之一，好多人去到以前有人龍就照排隊，無留意到店家嘅運作，所以變咗白等，想食就要留意以下攻略
🍜店舖會由6:00 開始派籌，睇報道每日限量提供200 碗賣曬就無，如果唔想等要6:00 前達陣就可以第一批進店，其他入唔到嘅需要入店按人數攞籌號先可以排隊，如果單人嘅話會快少少，大約30 分鐘就可以就坐，今日6:10 到達前已有大約十個人攞咗籌號，喺出面大熱天時等咗一小時就可以進店，籌號每日大約6:30-7:00 就會派完，記得唔好人排你又排，已經眼見有好多人就咁排，無攞籌就無得食，時間又浪費咗，嘈都無用
🍜 鯖節豬骨白湯拉麵 $107
鯖魚係主角，擺盤感覺好靚，味道帶有烤魚的香氣帶酸味，湯底豬骨飲落順滑感覺，豚骨魚介香味平均，唔會太濃無痴立立嘅感覺，麵條用了細麵幾有爽彈感，其他仲有拉麵荀，海帶，大蔥絲，拉麵蛋軟滑口感，湯底覺得幾啱香港人口味，會係想飲曬佢嘅唔會太溜
🍜甘海老拉麵 $98
半碗都係超靚紅色嘅櫻花蝦，湯底本身已經有蝦味，幾重蝦味，加上呢隻櫻花蝦更甜，配料同其他一樣，之前睇網上面影片內有兩隻蝦，今日食就無，來到時有少少失望
🍜整體都算唔錯嘅拉麵，湯底飲落舒服自然，唔會太溜，麵條份量感覺女仔食剛剛好，男士們可能要加飯或替玉先會夠滿足，蝦拉麵無蝦肉只有櫻花蝦會有少失望，但蝦湯好鮮甜濃味，
🍜雖然兩夫婦有熱誠，拉麵覺得唔錯。但唔會想再排多一次嘅拉麵，外牆有手寫需要攞籌號先可以排隊，無留意到嘅客人會有小混亂，今次坐門口會不斷有人進出詢問攞籌，就算派完門口亦唔會貼告示，會因太多人推門出入感覺唔多舒服，如果想食嘅朋友一定要注意，請早點去攞籌先可以排隊入坐
📍 麵山口商店 (油麻地)
油麻地廟街56-58號地舖
張貼
