漁之部屋 (已結業)

昨日有同事生日，夜晚就同班同事出o黎食放題慶祝。今次我o地就book o左漁之部屋。點解揀呢間？其實book之前我都睇o左好多食評，見呢間有長腳蟹食，而壽星又係長腳蟹迷，於是我o地就決定book呢間試下。去到等o左一陣就入得，o黎到當然要點刺身先。呢度D刺身有好多選擇，除o左有三文魚、八爪魚、希靈魚、鮑片等等一般o既刺身之外，最特別o既有松葉蟹腳、玻璃蝦同牡丹蝦。蟹腳質素唔差，肉質鮮甜。另外一級帶子真係超正，又鮮甜又厚肉，唔似其他放題咁未解凍完有陣雪味同會「痴」住D冰。另外，呢度o既燒物都做得唔錯。成班同事一致讚好芝士焗蠔！出面有D放題係一早做好o左，攤到凍o左先送上o黎，呢度送上枱o個陣仲係熱辣辣o既，值得一讚。講返芝士焗蠔本身，蠔肉唔會太細隻，醬汁惹味開胃，推介推介！另外仲有河豚肉乾，非常香口，送酒一流。我o地幾個女仔就最鍾意食燒日本紫心蕃薯仔，細細粒，一啖就可以放入口，好甜好好食。最後當然要食甜品。呢度D甜品勁多款，有木糠布甸、日式焦糖燉蛋、北海道牛乳布甸、楊枝甘露等等，花多眼亂。由於大家都有選擇困難症，一於樣樣都點D試下，好食就再encore。D甜品賣相好精緻，木糠布甸同焦糖燉