花園餐廳 (已結業)

今日約左個客lunch，我相信一邊lunch一邊傾野係有成效的！呢個雖然是客，但說到底也是朋友，認識5年了，已經變成無所不談的朋友。今日午餐就一就佢，公司附近花園餐廳，午餐不是太貴，我叫了一個B餐，黑椒雞扒伴珍寶腸意粉，賣相都幾靚，我喜歡那堆粟米，夠健康！雞扒幾大塊，雞皮一向我都少食，難得地，我切開雞皮發現雞油不是太多！雞肉雪白，黑椒汁起初不夠，叫Waiter加多點後，雞扒沾滿了黑椒汁，辣辣地有少少嗆喉，令雞扒味道豐富了。珍寶腸也想讚一讚，平日食的通常腸皮位置都比較靭，但這個絕對沒有，唔會靭到狂咬都唔爛要吐，珍寶腸夠厚夠大件！客人食芝士焗香辣牛仔肉，黎到個感覺似咖哩，味道真係幾辣，我試左一啖都覺得辣，牛仔肉方面，唔係好知點解叫牛仔肉，牛肉就牛肉啦，唔算好靭啦。食完，又做成了一單生意。