影片
更多
2016-03-02
978 瀏覽
同友人晚餐,想搵地方可以傾到計既,友人揀咗工廈內既小店.小店係自助形式,自己搵位,自己攞menu ,自己落單.飲品選擇好多,食品就比較少,今日揀咗all day breakfast 同忌廉蘑菇菠菜煙三文魚意粉,飲品方面,我要咗杯香蕉朱古力,友人就要咗繽紛朱古力. 飲品用樽上,幾有特色,個樽都幾大個,所以分量都唔少! 香蕉朱古力果然好有香蕉味,留意返,係香蕉味唔係香蕉精油味! 朱古力味又唔會搶咗香蕉既味道,讚! All day breakfast ,同一般既all day breakfast 分別不大, 不過佢就用牛角包代替左多士,牛角包係熱辣辣的,仲有蘑菇炒薯仔,炒蛋嘅份量都幾多,炒蛋好滑好香奶味應該係用咗鮮奶黎炒,薯仔煎香左再用蘑菇炒過,配茄汁豆食味都幾唔錯,仲有兩條香草豬肉腸. 伴點嘅沙律菜都唔馬虎 忌廉蘑菇菠菜煙三文魚意粉,呢個個買相有少少出人意表,全碟都係綠色,唔講仲以為係一碟炒菠菜,但原來佢係用勁多菠菜同菠菜汁撈落個意粉度,煙三文魚圍邊,雖然意粉有好多菠菜,但係一啲都無草青味,感覺都幾清新添!煙三文魚望落嘅份量唔多,但係絕對夠每一啖都有三文魚同埋意粉!我
小店係自助形式,自己搵位,自己攞menu ,自己落單.
飲品選擇好多,食品就比較少,今日揀咗all day breakfast 同忌廉蘑菇菠菜煙三文魚意粉,飲品方面,我要咗杯香蕉朱古力,友人就要咗繽紛朱古力.
飲品用樽上,幾有特色,個樽都幾大個,所以分量都唔少!
香蕉朱古力果然好有香蕉味,留意返,係香蕉味唔係香蕉精油味! 朱古力味又唔會搶咗香蕉既味道,讚!
All day breakfast ,同一般既all day breakfast 分別不大, 不過佢就用牛角包代替左多士,牛角包係熱辣辣的,仲有蘑菇炒薯仔,炒蛋嘅份量都幾多,炒蛋好滑好香奶味應該係用咗鮮奶黎炒,薯仔煎香左再用蘑菇炒過,配茄汁豆食味都幾唔錯,仲有兩條香草豬肉腸. 伴點嘅沙律菜都唔馬虎
忌廉蘑菇菠菜煙三文魚意粉,呢個個買相有少少出人意表,全碟都係綠色,唔講仲以為係一碟炒菠菜,但原來佢係用勁多菠菜同菠菜汁撈落個意粉度,煙三文魚圍邊,雖然意粉有好多菠菜,但係一啲都無草青味,感覺都幾清新添!煙三文魚望落嘅份量唔多,但係絕對夠每一啖都有三文魚同埋意粉!我哋掛住傾計忘記咗影下cafe其他地方嘅相,cafe有一個角落有懷舊零食,應該係買嘅,不過我哋冇問到.
成個環境都唔錯,都坐得幾舒服,傾下傾下就兩個鐘喇!
張貼
