Ease House Cafe (已結業)

我知道lee度環境幾好 仲有大量漫畫睇 我哋二人就訂咗枱 食飯兼睇書 lee度差唔多位於金雞最頂樓 一入到去環境真係唔錯 坐位舒適又唔逼 最開心係可以睇番兒時鍾意睇o既漫畫 其後我哋諗住嗌嘢食 但d人唔係點理我哋 餐牌都要自己攞 全場得三個員工 有兩個玩緊電腦 一個埋緊數 結果又要親自行去搵佢哋落單 嗌咗兩個晚餐 一個椰汁香芧豬扒飯 另外係茄汁牛柳粒天使麵 加多一碟黑椒蜜糖雞翼 仲有杯芒果特飲 杯特飲相當出色 我嗰杯鮮奶紅豆冰(本來係普通紅豆冰 因為嚟錯)就偏淡 而個飯椰汁味濃 好好食 略嫌個飯太少 個天使麵都唔錯 個雞翼不算太好食 黑椒同蜜糖都唔夠味 總之一句 傾吓計都幾好o既 食嘢都係去番食肆好喇 二人食咗$140