Plato Cafe & Bistro (彌敦道) (已結業)

因為有幫襯開舊Plato, 見佢開左分店所以黎支持下。除左dinner set menu之外仲有可以食小食or意粉飯既menu。選擇有好多，除左扒，羊架個d平時set dinner會見到既野仲有English Breakfast，fish and chips呢d英式食物！好喜歡！咁岩今日見到個德國豬手special所以叫黎試下。個豬手好正！黎個陣已經覺得好香。個皮好脆，d肉好厚又好嫩，入面仲有好多肥肥個d。同好多餐廳一樣，骨同肉係分開既，所以食起上黎好方便。不過正如朋友所講，見到德國豬手就會想配酸菜薯仔，但呢度係配沙律，所以有d搞笑。不過整體黎講都幾好食！$198set唔貴。因為個fd唔算好餓，所以只係叫左個意粉。個蒜片意粉意外地好好味！就咁叫就$98，加多$30到就可以轉餐。d蒜片好香好有咬口！加埋d用香草處理過既意粉同菜，成個菜都好配合！清新既感覺用黎配豬手食就岩岩好啦！叫左杯milk shake，唔算好甜，最正係上面有d cream! oero既份量都幾足！