大少燒味茶餐廳 (已結業)

住在新界區的我，假日大多數在大埔、大圍等食lunch~ 因為好近夠方便。在大埔多數光顧行市熟食中心或者茶餐廳，今次經過見到間大少茶餐廳，今次就試呢間。想知茶餐廳的質素，當然不少得試炒粉麵。至於小食，一看menu奶油豬已是必叫！至於名為燒味茶餐廳，我估燒味應是主打。天氣實在太熱了，高溫之下差不多想中暑，當然要點咸檸解溫，這個龍鳳可樂 $22，我以為單是咸檸，原來還有鮮檸檬。可樂配咸檸及我最愛的檸檬，更是透心涼。奶油豬 $15整個烤得香脆，熱騰騰的，脆豬表面塗上香濃牛油，再加上鍊奶，極之好味吸引之餘又很邪惡。星州炒米 $46上檯已看到賣相幾乾身，色澤均勻，而蝦仁、叉燒絲、常腿絲、蛋絲等也分佈很平均。炒米的確炒得很乾身，味道辣辣地幾惹味，而配料火候剛好，不會太老太韌。燒味三併 $112 （例）燒排骨比平時吃的較細，這樣肉質夠嫩不會韌，吮骨十分滋味。燒鵝肉厚，脂肪不算太多，不過外樣略嫌未夠香脆。