有錢佬靚粥 (已結業)

星期日早上放完狗十時多，落到東大街，天時大熱身水身汗，食輕食凍飲至岩。這時間絕大部份鋪仍未營業，轉角嘅吸晴紫色有錢佬靚粥早上7時開門，又有戶外座，假日放完狗，去食返個早餐就最舒服。鋪頭座位7-8個，雖然是地鋪，但整潔通風，地板零積水。由於天氣太熱關係，食不到馳名靚粥。於是叫左點心，牛肉球、魚肉燒賣、炒麵、蘿蔔糕加杯豆漿同可樂。店員親切有禮，簡簡單單的人情味濃。下單不出80元，廚房即叫即準備，新鮮出爐。牛肉球3大粒，燒賣5粒，不過不失。蘿蔔糕入口不散，香脆味足，不油膩，很重點啊。另外，呢到炒麵一點都不乾身，配菜爽口，無被煮淋晒； 炒得剛好，份量又足。2人可以吃到非常飽肚啊。