Moreish & Malt (鴻圖道) (已結業)

星期日想在觀塘工業區食lunch，可能因為假期，所以好多餐廳都休息中，在區內遊走間，行到鴻圖道，居然見到一間門面頗有格調的西餐廳，透過落地玻璃窗向內望，裝修帶點時下流行的簡約工業風格。聖誕節假期期間，工業區人流比平日更少，客人不多，我們還可隨意選擇座位。餐廳提供假日lunch特定menu， 我們分別揀了 "班尼迪蛋配巴馬火腿、牛油果" 同 "「爆棚」手撕豬肉熱狗包配薯條" 。將班尼迪蛋切開，蛋黃徐徐流出，與荷蘭醬合二為一，配埋略帶少少鹹嘅味的巴哈馬火腿、牛油果 、烘過嘅 muffin 包，每一口都好有滿足感！旁邊還有已經淋上橄欖油的沙律菜， 吃完整個餐感覺圓滿😍「爆棚」手撕豬肉熱狗包 :  熱狗包內夾了一條長熱狗腸，再鋪滿撈了燒烤醬的手撕豬肉，以及撈了沙律汁的紫椰菜絲 ，味道真係好夾、好惹味！炸薯條上枱前已經灑咗少少鹽，不過灑得不太均勻，有幾條好鹹 🙃餐飲：凍檸茶，茶底都 ok， 很難與茶餐廳比較，只係叫咗少甜變成幾乎無甜味；熱檸水最緊要係檸檬無苦澀味。假期食客不多，大可以優優閒閒慢慢坐慢慢嘆，廠區真是個不錯的選擇。