影片
更多
2018-05-03
127 瀏覽
見到雜誌介紹Godiva 係五一黃金週做緊折扣，電話號碼有五字或者一字嘅人，食雪糕可以有折扣。中咗一個號碼有九折，中咗兩個號碼有八折，中咗三個號碼有七折添！咁啱我中咗三個號碼，七折享用雪糕，冇理由唔試喇！離開青衣附近，知道青衣城有間分店。雖然算早關門，但係唔可以錯過。食晚飯前都要嚟試咗先。位置好顯眼，因為有人龍。人龍又冇想像中咁多，所以都決定排隊，大概等咗十分鐘終於輪到啦。首先叫咗七成濃嘅朱古力奶，熱度十足，要好小心咁慢慢飲，每一啖都feel到濃濃嘅朱古力味，而且好滑，冇乜雜質，深信各位係唔係朱古力迷都會鍾意，超想一啖飲曬佢。朱古力奶令人有啲飽肚嘅感覺，不過都唔理咁多。另外點咗雪糕，有杯裝同支裝揀。雪糕就有分黑朱古力同埋白朱古力，或者雙重口味。鍾意咩都試嘅我，就梗係揀咗雙重口味啦。賣相一流，亦都係打卡必點之選。雪糕質感結實，但係入口即溶，挑戰味蕾享受極限。兩樣野都係35蚊，因為有7折。希望第時再有優惠一定會再幫襯！
離開青衣附近，知道青衣城有間分店。雖然算早
關門，但係唔可以錯過。食晚飯前都要嚟試咗先。位置好顯眼，因為有人龍。人龍又冇想像中咁多，所以都決定排隊，大概等咗十分鐘終於輪到啦。
首先叫咗七成濃嘅朱古力奶，熱度十足，要好小心咁慢慢飲，每一啖都feel到濃濃嘅朱古力味，而且好滑，冇乜雜質，深信各位係唔係朱古力迷都會鍾意，超想一啖飲曬佢。朱古力奶令人有啲飽肚嘅感覺，不過都唔理咁多。
另外點咗雪糕，有杯裝同支裝揀。雪糕就有分黑朱古力同埋白朱古力，或者雙重口味。鍾意咩都試嘅我，就梗係揀咗雙重口味啦。賣相一流，亦都係打卡必點之選。雪糕質感結實，但係入口即溶，挑戰味蕾享受極限。
兩樣野都係35蚊，因為有7折。希望第時再有優惠一定會再幫襯！
張貼
