煮八 (已搬遷) 新店位置

係朋友帶路下，嚟咗#天水圍 #新北江商場 食 #雞。新北江聽就聽得多，今次係我一次去新北江。一入到去，真心有啲嚇親。個商場地下個層成個街市咁😅😂 上一層個格局就有啲葵涌廣場，轉多兩個圈就會認唔到路。講番隻雞先！食雞依間舖頭個名叫做#煮八 .一睇個menu, 基本上全部都係雞🐥🐥🐥🐥🐥🐥🐥🐥🐥🐥🐥🐥🐥 有#沙薑雞 ，#醉雞，#雲耳蒸雞 ，#口水雞 。。。。。你諗到嘅雞都有。朋友推薦左佢嘅口水雞。$57 包成大碟雞，成大碟菜，一大碗肉燥飯同一杯野飲。淨係睇價錢，已經覺得超值。重點係，除咗平仲要味道唔錯。佢個口水雞個辣到啱啱好！食落去惹味得來，又唔會覺得好辣。加上小小麻，真心唔錯。另外個#肉燥飯 都不錯。食肉燥飯最驚係用哂肥豬肉。雖然嗰啲先算係正宗，但係真係太油膩啦。佢嘅肉燥飯呢，就唔算多肥豬肉，而且又唔會太鹹，好好送飯！至於環境方面，一開始都講咗本身新北江商場都唔係一個幾靚仔嘅商場。但我相信正正係因為咁，先可以有空間俾依啲小店做生意。