巴剎雞飯 (已結業)

做gym個日一定要食雞！補充返啲蛋白質🤫所以就黎左呢間試試佢啲雞！呢間鋪頭叫巴剎雞飯🐓一開始唔知巴剎是咩意思🧐膽粗粗問下先發現原來巴剎=bazaar😯😯所以鋪頭都係模仿返地道東南亞市集嘅模樣～既然巴剎雞係招牌菜，又點可以唔試呢🤓所以就叫左個巴剎雞飯，連湯上～雞肉超級嫩滑！一啲都唔柴💕重點係佢個汁帶微辣好開胃🌶️雞肉連埋個醬汁一齊食真係配合得天衣無縫🤤油飯底又係無得輸🥹食油飯最怕個飯太濕，但呢度嘅油飯粒粒分明🍚帶有雞油香味但又唔會膩🥹實在太邪惡啦！連同個雞湯都好好飲🥹好想叫佢添多碗另外我仲叫左炭燒沙嗲豬肉串燒一上枱個陣好surprise😱以為炭燒只不過係掛個名點知佢成個炭爐上🤣因為一路燒住，所以啲串燒就算遲啲食都唔會凍但唔好學我咁放太耐又唔翻佢😆搞到最後食個串燶左少少🤣本身仲想試埋佢個手抓餅好似好吸引咁👀但係唔想眼闊肚窄，最後都係無叫🥹下次再去要食返💕