影片
更多
2009-07-30
22 瀏覽
第一次食,一行4人叫左冬菜蒸草鯇 咸蛋蒸肉餅 梅菜扣肉 滑雞肉丸粥 炒麵 炒米 生菜一份 豆漿4杯蒸草鯇 - 好滑,冇泥味同真係食到少少草香!不過等得比較耐,趕時間唔建議叫,連佢地個樓面哥 仔都係咁話,不過服務搭夠!蒸肉餅-未試過係出面食到咁厚既肉餅,足料!同埋唔知係咪佢地健味豬既關係(我本人先前未食過但都有聽過下既),D肉味同出面既完全唔同,好好食,好新鮮肉味,同埋佢地夾埋D肥肉一齊蒸,口感好好!梅菜扣肉 -冇得頂,最快黎到既菜,一埋到黎好香梅菜味,食得出係令野,果件扣肉舊肥膏真係入口即溶,送飯超正!肉位入味,係比較鬆化D,雖然唔係自己預期中既質感,但味道好好,生平未有一間好得過佢地(可能我食野唔多)滑雞肉丸粥-一黎到成碗粥都黃色既!新鮮肥雞出晒雞油,夾埋佢地個粥好綿又好香!滑雞又岩岩好熟(我本人認為再滾耐D更好食,但唔係唔熟)肉丸大大粒,真係爽口但唔係牛丸果種,亦一樣好有肉味,我相信係堅手打唔係吹水,粥底的確比出面食開既淡,但對於食開淡味既我黎講個味岩岩好,完全唔係出面果D味精粥可以相提並論,個樓面靚仔仲教我可以落少少自家二抽,我一試成件事唔同晒!真係可以建議大家如果覺得唔夠味既
冬菜蒸草鯇 咸蛋蒸肉餅 梅菜扣肉 滑雞肉丸粥 炒麵 炒米 生菜一份 豆漿4杯
蒸草鯇 -
好滑,冇泥味同真係食到少少草香!不過等得比較耐,趕時間唔建議叫,連佢地個樓面哥 仔都係咁話,不過服務搭夠!
蒸肉餅-
未試過係出面食到咁厚既肉餅,足料!同埋唔知係咪佢地健味豬既關係(我本人先前未食過但都有聽過下既),D肉味同出面既完全唔同,好好食,好新鮮肉味,同埋佢地夾埋D肥肉一齊蒸,口感好好!
梅菜扣肉 -
冇得頂,最快黎到既菜,一埋到黎好香梅菜味,食得出係令野,果件扣肉舊肥膏真係入口即溶,送飯超正!肉位入味,係比較鬆化D,雖然唔係自己預期中既質感,但味道好好,生平未有一間好得過佢地(可能我食野唔多)
滑雞肉丸粥-
一黎到成碗粥都黃色既!新鮮肥雞出晒雞油,夾埋佢地個粥好綿又好香!滑雞又岩岩好熟(我本人認為再滾耐D更好食,但唔係唔熟)肉丸大大粒,真係爽口但唔係牛丸果種,亦一樣好有肉味,我相信係堅手打唔係吹水,粥底的確比出面食開既淡,但對於食開淡味既我黎講個味岩岩好,完全唔係出面果D味精粥可以相提並論,個樓面靚仔仲教我可以落少少自家二抽,我一試成件事唔同晒!真係可以建議大家如果覺得唔夠味既可以加少少,佢地d二抽好香豆味同唔會太咸,我自己滴幾下岩岩好,成個粥仲鮮味左!
炒麵+炒米
呢個真係誠意之作,即叫即炒有鑊氣,炒麵會比較濃味,搭少少銀芽已經好好食,全因佩上佢地自家頭抽咁話!炒米好爽口,用好多既蛋絲,什菜絲一齊炒,冇乜油好夠味,夾粥食一流!我覺得乜都唔好加最正,我自己都好中意食辣,但食左一口都冇問佢地拎辣醬!
生菜
本身唔需要點講,灼一灼拖拖水就上台,但重點真係d佢地話既自家二抽,真鮮味,見到佢地貼出黎話有頭抽埋,我問一問個樓面既令仔點解唔比頭抽客人,佢解釋一來頭抽用黎賣,二來頭抽會將食物既味道搶走,因為太靚既關係!
仲有就係,原來佢地d套餐係可以添粥飯,因為我見到同事們食兩,三碗粥先肯走,而佢地亦都樂意去幫我地添,可惜我太遲見到粥量可加可減既標貼,如果唔係就叫佢加多d粥黎煮,好彩有叫炒米黎食,如果唔係真係唔太夠飽
總括 : 係健味粥入面食野其實都幾正,環境夠潔淨,又清靜,員工比我感覺亦都親切都會用心解答我,係唯一價錢貴少少,但個人埋單時都係覺得值既~
p.s : 其實好多人都睇唔明粥量可加可減係講可以加多d粥去煮,就好主觀咁以為粥旺可加可減係=可以添粥,雖然我一睇就明,但亦都建議佢地改一改字眼,如「客人可要求多粥/少粥」或粥可加底!
張貼