糙米家 (已結業)

次次食完米線先記得呢間野既存在之前已經想去食, 無奈話星期三休息，好彩上星期再行過已經無再休息，於是再去食過，睇個價錢好似貴左少少，但係其實係好食野，而且好健康~初時怕唔夠食，所以叫多左個煙三文魚蟹籽沙律，個沙律好RICH, 係因為佢仲加多左少少蛋沙律醬，加埋佢個麻醬同生菜，食到「索索」聲，仲有好多粟米粒、青瓜、紅蘿蔔絲同蕃茄仔~不過主菜就失色左少少，蕃茄蔬菜長通粉其實唔錯，不過個蕃茄汁略酸左少少，初初食都幾FRESH, 不過食到一半個汁就開始覺得太酸，要食其他野平衡返個。而D蔬菜粒切得太細粒，食左都唔係好覺眼，反而下面個茄醬豬扒糙米飯唔錯，個汁又唔係好酸，而糙米就係3色米黎既, 唔硬身好易入口，豬扒又夠淋，不過係配菜普通左D, 不過份量都幾多, 其實2個人食一個主菜都夠晒~~另外一定要試牛蒡茶，加左龍眼肉杞子，甜甜地飲落口好舒服。