Kotori_Lbird

營業中

休息中

經荔枝角友人推介，終於試左呢間由日本人主理既關東煮，果然冇介紹錯，雖則只是一間外賣小店，但品質非常高，而且推崇健康飲食，咁我以後都可以食得健康D啦﹗分別有自選套餐，鍾意食邊樣就點邊樣，亦有一款叫廚師發辦套餐，即係廚師幫你選，又岩哂選擇困難症既我。店員介紹廚師發辦套餐有4款關東煮，一碗十五穀飯同兩件炸雞柳條，不過店員話關東煮一般會多過4款，所以好抵食。關東煮好入味，每一款都好好食，分別有年糕福袋、黑魔芋、蘿蔔、黃色薯仔、水煮蛋、雞丸骨丸和八爪魚，而炸雞柳條都好脆。