潮洲滷 (已結業)

潮洲滷 灣仔石水渠街1-13號其發大廈地下8號舗---滷味店係一件好街坊嘅野，唔係住附近，通常都唔會買返家食。但係呢間位於灣仔嘅滷味小店，就係少有嘅一間滷味店，雖然唔係我屋企附近，但卻令我一再回頭。除咗質素高之外，滿滿嘅人情味，亦係佢地嘅selling point，店內所有員工都是佢地自家人，合拍度高，斬料快手，服務態度亦係值得一讚.滷水鵝$127斤，價錢合理，鵝肉粉嫩濕潤，而且最中意就係佢地嘅鵝肉唔會好肥膩，皮同肉之間只有少許脂肪，屬於比較健康嘅鵝肉，令人食得安心。另外鵝皮表面唔會好油膩，幾乾爽，無論下飯還是佐酒都合適。.除咗滷水鵝之外，家人亦愛滷水鵝翼，叫咗五隻大嘅，斬細之後，容易夾起，沾上少許米醋，一啖鵝翼一啖啤酒🍺，正。