影片
更多
2024-07-15
521 瀏覽
今次假期我同朋友去興華街遊樂場踢波，工人姐姐又放假，踢完波負責買野番屋企食，附近有間健康便當既外賣小店，就過黎買lunch番去食啦😁慢煮雞胸玉子綜合蔬菜飯（$58）呢個便當就好適合減肥人士食，等外賣既時候店員介紹佢地既慢煮雞胸係朝早慢煮2個鐘，到客人點既時候先煎香，雞肉一d都唔鞋，仲有好多蔬菜，西蘭花，車厘茄，翠玉瓜同玉子，同埋半隻日本蛋，豐富得黎又唔怕肥，個飯就係用日本珍珠米，加上紫菜粉同醬汁令個飯唔會太乾🥗🥚🍚慢煮豚肉生薑燒飯（$58）慢煮豚肉同樣係店主一早慢煮2個鐘再煎香比客人既，呢個既蔬菜量相對少，都有椰菜絲，車厘茄同日本蛋，豚肉份量就有好多塊，岩曬我呢d鐘意食肉獸，豚肉香口肉嫩🐷無糖冷泡茶（$8）飲品有好可愛既貓貓樽裝冷泡茶，清涼解渴，杯底有粒粒蘆薈，令到支茶帶點甜🍵平時出街食得多唔健康，得閒食下d健康野又唔錯，健康得黎味道都好，就算攞到番屋企食都唔會難食，小店只有外賣，有參加網上既外賣平台，係呢區番工或者呢區住既話都方便食到😄
慢煮雞胸玉子綜合蔬菜飯（$58）
呢個便當就好適合減肥人士食，等外賣既時候店員介紹佢地既慢煮雞胸係朝早慢煮2個鐘，到客人點既時候先煎香，雞肉一d都唔鞋，仲有好多蔬菜，西蘭花，車厘茄，翠玉瓜同玉子，同埋半隻日本蛋，豐富得黎又唔怕肥，個飯就係用日本珍珠米，加上紫菜粉同醬汁令個飯唔會太乾🥗🥚🍚
慢煮豚肉生薑燒飯（$58）
慢煮豚肉同樣係店主一早慢煮2個鐘再煎香比客人既，呢個既蔬菜量相對少，都有椰菜絲，車厘茄同日本蛋，豚肉份量就有好多塊，岩曬我呢d鐘意食肉獸，豚肉香口肉嫩🐷
無糖冷泡茶（$8）
飲品有好可愛既貓貓樽裝冷泡茶，清涼解渴，杯底有粒粒蘆薈，令到支茶帶點甜🍵
平時出街食得多唔健康，得閒食下d健康野又唔錯，健康得黎味道都好，就算攞到番屋企食都唔會難食，小店只有外賣，有參加網上既外賣平台，係呢區番工或者呢區住既話都方便食到😄
張貼
