野玩田店 (已搬遷) 新店位置

今日喺尖沙咀行街，行到攰，見到依間野玩田店環境幾靚幾大，嘢食都好似唔錯幾吸引，就走咗入去試吓啦。咁咁啱晚市做緊七五折所以兩個人都叫咗唔少嘢食。咁係嘢食黎之前都俾咗個餐包我哋，估唔到個包又幾好食，幾有驚喜。煙三文魚大蝦沙律配青檸醋，煙三文魚份量好多，煙得好好食，又勁大塊，真係好正。大蝦都有三隻，隻隻都好大隻，食落去好Juicy。咁個青檸醋酸酸地，令到成碟都好開胃。蟹肉龍蝦汁闊意大利麵，個汁又係好好食，蟹肉都好多同意大利粉撈得好好，佢用咗闊意大利麵比起幼嘅意大利粉好好多，因為可以每條闊意大利麵都吸到好多龍蝦汁，所有嘢加埋都好夾。同埋佢俾咗少少蘆筍，即刻令到成碟昇華左。法國羊肚菌雞肉意大利飯，咁個意大利飯唔會好濕唔會好油，水份啱啱好，食落去唔會好膩。佢羊肚菌同雞肉都好多，成個飯都撈得好平衡，食落去每一啖都食到羊肚菌，雞肉同意大利飯，真係好正好好食。Super kale，佢用咗羽衣甘藍，檸檬汁，蜜糖一齊整，飲落去好Fresh，好清新，即刻覺得成件事健康咗好多，佢唔會太甜嗰下先至正。依杯真係好好飲。蘋果酥配movenpick雲呢拿雪糕，個蘋果酥焗得好好食，好鬆脆，入面蘋果都好多。每一啖都加啲雲呢