影片
更多
2015-08-18
937 瀏覽
近來有機食物大熱，我同朋友都想嘗試下有機餐廳既食物。位於PMQ既Sohofama就成為左今次我同友人既嘗試目標。Sohofama係一間同香港品牌G.O.D.合作，以本地、有機食材做主打既中菜餐廳。推廣要住好D，亦要食好D既理念。一入到門口就俾酒吧上面既牌匾吸引住 – “揀飲擇食”。呢個term不嬲俾人既感覺都係負面，細個成日俾屋企人話自己揀飲擇食，唔食呢樣唔食個樣，但Sohofama將呢個term重新定義 – 面對現今咁多唔同種類既食物，一定要懂得選擇點樣先至係食得健康。我同友人一坐低就先點餐前酒。呢度既cocktail都幾特別，有好多都用上自家制既酒，而呢d酒都加入左中式材料，好似杞子、陳皮、南北杏咁，真係冇諗過呢d材料都可以用黎調酒。Cocktail既名字都一樣別出心裁架，好似”香港689”、”捱騾仔”等等，都好有本地色彩。點左一杯叫”5月花”既cocktail，呢杯酒係用小黃瓜、玫瑰味既gin酒、英國接骨木花酒，再加埋有機蘋果汁同本地蜜糖調成既，飲落去好清新醒胃，酒味亦都唔會太重，好易入口。我不嬲都好鍾意飲湯，見到menu上面有飬生燉湯，梗係要叫番個黎飲啦。點左個黨參紅棗山斑魚瘦
一入到門口就俾酒吧上面既牌匾吸引住 – “揀飲擇食”。呢個term不嬲俾人既感覺都係負面，細個成日俾屋企人話自己揀飲擇食，唔食呢樣唔食個樣，但Sohofama將呢個term重新定義 – 面對現今咁多唔同種類既食物，一定要懂得選擇點樣先至係食得健康。
我同友人一坐低就先點餐前酒。呢度既cocktail都幾特別，有好多都用上自家制既酒，而呢d酒都加入左中式材料，好似杞子、陳皮、南北杏咁，真係冇諗過呢d材料都可以用黎調酒。Cocktail既名字都一樣別出心裁架，好似”香港689”、”捱騾仔”等等，都好有本地色彩。
點左一杯叫”5月花”既cocktail，呢杯酒係用小黃瓜、玫瑰味既gin酒、英國接骨木花酒，再加埋有機蘋果汁同本地蜜糖調成既，飲落去好清新醒胃，酒味亦都唔會太重，好易入口。
我不嬲都好鍾意飲湯，見到menu上面有飬生燉湯，梗係要叫番個黎飲啦。點左個黨參紅棗山斑魚瘦肉湯，英文名叫Energy booster，功用係增強體力，健脾益胃，補血潤膚。呢排不時要OT，個人成日都覺得好累，飲呢個湯就最適合不過喇。個湯好足料，紅棗既甜味令到個湯更鮮甜，無味精亦唔油膩，感覺似足媽咪煲既老火湯咁。
跟住點左有機生煎豬肉包，一份有3個。個包煎得好脆但又唔會肥膩，入面既有機豬肉饀肉味好鮮又多汁。鍾意食香口野既我忍唔住食左2個。
最後就到主菜 – 炒青蟹糯米飯。呢道菜用上原隻本地青蟹，加埋惹味既糯米飯整成。隻蟹肉厚鮮甜，尤其係隻蟹鉗，啖啖肉，加埋d醬汁同糯米飯，真係食到停唔到口。唔好睇呢道菜四百幾蚊以為好貴，其實係份量十足，隻青蟹超大隻，一上檯以為只係得面頭係蟹，點知一翻開糯米飯，底下都有蟹! 我同友人兩個已經不停食，但都只係食到一半，要打包返屋企。
其實menu上面仲有好多道菜同cocktail都想試，不過兩個人食唔到好多，下次會再同多d朋友黎試其他野。
張貼
