Bischofia by Mood

營業中

休息中

今日同朋友做完運動想食得健康啲，所以朋友就帶咗我嚟呢度Dinner啦。呢間餐廳坐位舒適，環境靚✨而且有埋Live band🎶，氣氛仲好好添，一邊聽住歌一邊食飯加咗唔少分。而食物方面，呢間餐廳好貼心咁喺menu標注埋食物嘅營養素📋，對注重均衡飲食／keep fit／增肌人士等都好friendly！最後我哋叫咗兩個主食：一個係牛柳粒椰菜花飯，另一個係豬鞍意粉。牛柳粒椰菜花飯有驚喜，牛柳個汁調得好好味，椰菜花飯唔會煮得過濕，份量剛剛好，冇碳水🍚得嚟但係又夠飽。豬鞍外層微微焦香，內裡肉質依然保持嫩滑~配埋意粉營養均衡🍝！飲品方面叫咗杯Cold Brew同埋Hojicha Skim Latte。Cold Brew味道Fruity🍒，淡啖嘅咖啡香味但唔會太苦，啱哂我嘅口味。Hojicha Latte亦都唔錯，口感柔滑，用咗skim milk🥛奶味唔會太重，仲飲到焙茶本身嘅茶味🍵。食完呢間餐廳先發現Keep fit 都可以有好多唔同嘅食物可以選擇，而且仲好好味添，唔使成日都係屋企食水煮餐同埋食雞胸肉🐔。