FruitDay (已結業)

近排的起心肝做運動，今日開始更從飲食開始～見食評有讚冇彈，價錢合理，於是揀了這間試下。叫了個$68揀3款的沙律餐，今日有8款揀，其中2款係熱的（估唔到）。唔食開沙律的我為穩陣揀了一款熱的跟牛同雞，揀了是日果茶。好快有得食，見有飯底應該唔怕晏些肚餓。但食食下先發覺我原本唔係要飯的那個，是想要藜麥的那款。同店主反映下，先知搞錯了。但店主好好人，另外裝了碗給我試！雖然係試，但份量都唔少喔～最終食唔晒薯仔浪費了。但今次經驗很好，會將這間小店列入lunch名單之中。下次可試下湯同另外一個輕盈餐，還有toast set都好吸引呀！希望小店能夠keep住，以合理價格留住客人又可維持經營，保持食物質素。