阿杏飯團 (富華中心商場)

營業中

休息中

阿杏飯團有好多分店，每次去荃灣行街都會幫襯。尤其係夏天咁熱嘅天氣，食個飯團同凍飲，其實好舒服。首先講下名古屋鰻魚飯團，呢隻飯團真係好正，飯團本身就好好食，係紫米，所以飯粒飽滿得黎又有嚼勁，鰻魚係外脆內軟，帶少少甜味，再配上淋咗醬油嘅鰻魚汁，味道更加濃郁，真係好食。咸蛋雞扒飯團，呢個飯團仲未食就已經聞到香味撲鼻，打開一睇，啲雞扒好滿，咸蛋同埋啲香口脆脆，好嫰滑，口感層次豐富，味道好香濃，而飯團都好飽滿，啲米粒都吸收咗啲肉汁，非常好食。飯團配飲品係有優惠，橙意滿滿同四季檸檬茶。橙意滿滿味道清香，唔會太甜，適合唔想飲太甜嘅朋友，同埋加咗新鮮橙肉同橙皮，有啲微微嘅苦味，好開胃。而四季檸檬茶就好嚟，酸酸甜甜，唔會太重口味，而且茶味同檸檬味都好夠，飲落去好解渴，啱晒炎熱嘅夏天。