影片
更多
2021-07-15
2218 瀏覽
Lunch time起太古搵食尤其難 周圍都冇位 同中環有得揮依間Salad Stop! 勝在有位坐 又唔會好多人 加上少少快餐feel可以下載app落單 亦可直接去order然後店員會即刻整合你嘅材料當然有唔少preset salad choice不過唔想食沙律 一定唔夠飽所以揀wrap 又見佢wrap超巨型 好吸引😍自選可以揀wrap底： Original/ wholemeal/ Tomato/ Spinach再揀6款材料 🌯Build your own wrap ($65+25)Base 有生菜🥬我揀咗Wholemeal材料: Broccoli🥦, Cherry tomatoes🍅, Edamame, Beansprouts, Mandarin orange🍊, Cucumber🥒另加Seared tuna🐟真係超級超級大個😧從來未見過咁大個wrap整得好快 俾完錢5分鐘後已經有仲包得好靚添 方便啲返工人士拎返工司食我為咗影下入面啲餡所以切開 點知爆餡😂成個wrap都好多菜 其實係因為佢原先可揀嘅材料大部份都係菜 然後一定要揀6款同時加上後面有人等住order所造成嘅壓力 諗都冇
依間Salad Stop! 勝在有位坐 又唔會好多人 加上少少快餐feel
可以下載app落單 亦可直接去order然後店員會即刻整合你嘅材料
當然有唔少preset salad choice
不過唔想食沙律 一定唔夠飽
所以揀wrap 又見佢wrap超巨型 好吸引😍
自選可以揀wrap底： Original/ wholemeal/ Tomato/ Spinach
再揀6款材料
🌯Build your own wrap ($65+25)
Base 有生菜🥬
我揀咗Wholemeal
材料: Broccoli🥦, Cherry tomatoes🍅, Edamame, Beansprouts, Mandarin orange🍊, Cucumber🥒
另加Seared tuna🐟
真係超級超級大個😧從來未見過咁大個wrap
整得好快 俾完錢5分鐘後已經有
仲包得好靚添 方便啲返工人士拎返工司食
我為咗影下入面啲餡所以切開 點知爆餡😂
成個wrap都好多菜 其實係因為佢原先可揀嘅材料大部份都係菜 然後一定要揀6款
同時加上後面有人等住order所造成嘅壓力 諗都冇諗 直接見到咩就叫咩😂
Build your own wrap
$65
130 瀏覽
1 讚好
0 留言
Wholemeal wrap 好好食 厚度啱啱好 質感都係😋好有嚼口
有少少似健康版印度薄餅🫓
又唔會俾啲餡搞到濕晒淋晒 勝在夠大塊
出面超市都難買到依款wrap
味道上仲有少少鹹鹹哋
全部材料都好新鮮
🥬生菜清脆 啱晒做base
🍅車厘茄唔多 不過幾多汁鮮甜
🍊mandarin orange完全冇皮 少少甜 非常多汁 不過我自己覺得同個wrap唔太夾
🥒青瓜都係咬落清脆 切成一片片 咬落唔硬 但係令wrap更有質感
Edamame好食 保持到佢獨特嘅豆香味 依隻冇加鹽 份量算多啲 每啖都食到幾粒 呢個一定要揀💚
Bean sprouts (小豆苗）好少食生豆苗 又幾得意喎 好香豆苗味 食落一條條好似芽菜咁 唔錯
其實原先可以揀醬汁 都超多款 不過我就走醬 一來費事食到流晒啲汁出嚟 另外想試吓材料原有嘅味道 三來唔鍾意個wrap濕晒
最後加錢加左Seared tuna 因為冇肉有啲dry🤭都唔少 有6厚片
佢嘅邊燒熟 中間就生啲 然後落咗好多黑胡椒碎
吞拿魚味超重 所以比較腥🤥我自己就麻麻哋陣味
加上我嚴佢唔夠淋 可能熟咗啲 然後黑胡椒味太重…所以唔太好食
下次可能加豆腐或者雞肉好啲
-
成個wrap係好好食嘅！好想再去食💕
服務一般 個收銀態度差少少
環境都好舒服 有落地玻璃 感覺空廣啲
又冇人趕你走或者摧你 其他OL食完就走 多數2個2個 亦都唔少人自己嚟食
CP值高 可能有人覺得$65一個wrap貴 但係佢真係超級大份 食完一定飽 最緊要係好滿足😋好似食咗兩個burger咁
而且佢材料新鮮豐富👍🏻
食完又覺得好健康😂非常介紹大家去食吓 包食完話好食！
張貼
