Interval | Farmacy (數碼港商場) (已結業)

今日中午同同事黎呢間餐廳試下，呢度都係森系裝修，整體感覺都好舒服。🧡意式肉醬大通粉肉醬意粉就食得多，通粉都係第一次食，原來都係咁好食，啲味道更加濃，肉醬整得好好，啲肉唔會太肥太油，同意粉好夾，甜甜酸酸咁，唔錯呀！❤️布拉塔芝士蕃茄大通粉呢個芝士好大粒，好足料，蕃茄碎都多，仲有啲香草，唔會太酸，好清新既一個意粉！💛炭烤佐賀豬梅扒豬梅扒既肉好嫩，又唔會有豬騷味，肉質好腍，嫩滑無比，仲有炒得好滑嫩既炒蛋，加埋香濃既燒汁，亦有炭燒既菜心，成碟都好味道呀！呢間餐廳既果汁都係有機既，蘋果汁同橙汁都好好飲，唔會太甜，連茶都好飲。